ტყიბულის მუნიციპალიტეტის მერიის ჯანმრთელობისა და სოციალური დაცვის სამსახურის ხელმძღვანელის, ნელი ქარელის ინიციატივითა და ორგანიზებით, ტყიბულელმა ბავშვებმა ქუთაისის ხანდაზმულთა პანსიონატსის ბენეფიციარებს დაუვიწყარი დღე აჩუქეს. პანსიონატს მოსწავლე-ახალგაზრდობის სასახლესთან არსებული "ანა-ბანას" ბავშვები ( ხელმძღვანელი ელისო დონაძე) და ხელოვნების სკოლის აღზსაზრდელები (პედაგოგი მაია დონაძე) ესტუმრნენ და დევიზით ,,სიკეთე გადამდებია“ საქველმოქმედო აქცია-კონცერტი გამართეს.

ტყიბულიდან ჩასულებმა, ხანდაზმულებს თანაქალაქელებისგან შეგროვებული ტანსაცმელი, ტყიბულის მერის, თემური ჩუბინიძის, მერიის სამსახურის ხელმძღვანელების, ზოგიერთი თანამშრომლის, მოსწავლე-ახალგაზრდობის სასახლის და რამდენიმე მოქალაქის ფინანსური მხარდაჭერით შეძენილი სასაჩუქრე პაკეტები გადასცეს.