ტყიბულში კიდევ ერთი მინი სპორტული მოედნის სარეაბილიტაციო სამუშაოები დასრულდა. ტყვარჩელის ქუჩაზე თანამედროვე სპორტული მოედანი ტყიბულის მუნიციპალიტეტის მერმა, დავით ჩერქეზიშვილმა და ადგილობრივი ხელისუფლების წარმომადგენლებმა ბავშვებთან ერთად გახსნეს.

პროექტის ფარგლებში მოეწყო ხელოვნური საფარი, დამონტაჟდა კალათბურთის ფარი, ფეხბურთის კარებები და გარე განათების სისტემა, მოედანი შემოისაზღვრა ბადე-პანელებით. 90 000 ლარამდე ღირებულების სამუშაოები ადგილობრივი ბიუჯეტის დაფინანსებით განხორციელდა.

ტყვარჩელის ქუჩაზე მინი სპორტული მოედანი მოსახლეობის თხოვნის გათვალისწინებით მოეწყო.