ტყიბულის მუნიციპალიტეტის მერმა, თემურ ჩუბინიძემ, ლიტერატურული კონკურსის - ,,სიყვარული საზღვრების გარეშე" გამარჯვებულები დააჯილდოვა.

12-იდან 26 თებერვლის ჩათვლით ლიტერატურული კაფისა და თენგიზ გაგოშიძის ორგანიზებით, ტყიბულში ლიტერატურულ კონკურსი მიმდინარეობდა, რომლის მიზანს მოსწავლე- ახალგაზრდებისათვის სკოლებში სწავლის განახლების პარალელურად ინტელექტუალური და სახალისო განწყობის შექმნა წარმოადგენდა .

კონკურსში მონაწილეობის უფლება ჰქონდა 21-წლამდე ახალგაზრდებს, ხოლო შეთავაზებული თემები იყო - სიყვარული, სამშობლო, განათლება...

ჟიურის გადაწყვეტილებით გამოვლინდნენ გამარჯვებულები:

პირველი ადგილი წილად ხვდა N1 საჯარო სკოლის კურსდამთავრებულს - ანანო გურგენიძეს, ნაწარმოებისათვის- ,,ეს ერთი სიტყვა-ყველაზე ნათელი";

მე-2 ადგილზე გავიდა N 6 საჯარო სკოლის მოსწავლე ნინო ხვადაგიანი, (,,საკუთარ თავთან");

მე-3 ადგილი დაიკავა N1 სკოლის მოსწავლემ მარიამ ჯინჭარაძე (,,ჩახუტების უფლება მოგვეცი,აჯუმა").

ტყიბულის მუნიციპალიტეტის მერმა ღონისძიების წახალისების მიზნით გამარჯვებულთათვის ფულადი ჯილდოები დააწესა, რომელიც ახალგაზრდებს ლიტერატურული კაფეს მიერ დაწესებულ წიგნებთან ერთად გადაეცათ.