დედის დღესთან დაკავშირებით, ტყიბულის მუნიციპალიტეტში მცხოვრებ მრავალშვილიან ქალბატონებს საჩუქრები გადაეცათ.

მუნიციპალიტეტის მერმა, დავით ჩერქეზიშვილმა სოფელ მუხურაში, ახალსოფელში, დაბაძველსა და საწირეში მცხოვრებ მრავალშვილიან ქალბატონებს დედის დღე პირადად მიულოცა. დავით ჩერქეზიშვილმა 3 მარტი, ასევე, მიულოცა აგვისტოს ომში დაღუპული შინდისის გმირის, ნიკოლოზ ფორჩხიძის დედას და სამშობლოს თავისუფლებისათვის თავგანწირული შვილის გაზრდისთვის მადლობა კიდევ ერთხელ გადაუხადა.მრავალშვილიან დედებს ოჯახებში, ასევე, ესტუმრნენ ვიცე-მერი გიორგი ლომთაძე, საკრებულოს თავმჯდომარის მოადგილე ირაკლი აბესაძე და ადგილობრივი ხელისუფლების სხვა წარმომადგენლები.

ტყიბულის მუნიციპალიტეტში სულ 38 მრავალშვილიანი დედაა რეგისტრირებული, რომელთაც ოთხი და მეტი არასრულწლოვანი შვილი ჰყავთ. ყველა მათგანმა 3 მარტს ადგილობრივი თვითმმართველობისგან საჩუქარები მიიღო.